Himmel wird sich grad so viel g'freu'n, dass er 'n Meineidbauer derlangt, wie der Teixel, dass er a Alte mehr in d' Höll' kriegt!   Vroni (lacht). No, geht's zu! (Ernst.) Ich hoff zu Gott, dass keins von uns in d' Höll kimmt!   Lies. Na, soll hübsch warm drein sein, dös tauget schon für uns Alte, mir friert da ehnder 's ganz' Jahr; für dich passt er schon, der Himmel, du hast noch hitzig' Blut und hitzt gar - koan Schatz dazu!   Vroni. Geh, du red'st so viel wüst, Ahnl! Man muss sich frei schamen - hört mer dir zu!   Lies. Ah was, z'weg'n ein bissl Neckerei brauchst nit gleich brennrot z' werden, bist doch kein' Heilige und is doch d' Magdalen' eine word'n; bin heut bissl lustig - weil d' mich aufg'riegelt hast! Kommen schon wieder Täg, wo di wundern wirst, wie grantig d' alt' Ahnl sein kann. Kind, lustig is schön, wer's nur allweil sein könnt! - Bleib nur da, dann werd ich's schon a öfter sein können. - Seit ich an kein' Sonntag mehr ins Ort abi komm, hab'n s' mich da allein sitzen lassen, selbst d' vertrautesten Bekannten hab'n nimmer zugesprochen, höchstens die arm' Holzknecht', wann s' viel Durst und wenig Geld hab'n, dö kimmen, und 'vor s' reintreten, schlagen s' a gross' Kreuz, aber so a gottlos Glas Wein für a bissl holzspaneln und a Vergeltsgott schmeckt ihna doch!   Vroni. Und dös gebt's ös denen Leuten?   Lies. Freilich gib ich's! Schimpf s' auch orndlich z'samm dabei. - Ich bin nit so schlimm, wie mich d' Leut' machen, ich g'freu mich a, dass d' noch a Vertrauen g'habt hast zu mir und kämma bist - bist a stark Dirndl, dir haben s' drausst in der Welt noch nicht ankönnen; ich wollt, ich hätt euch all' zwei bei mir halten können. - Schlechts hätt's ös da nit g'sehn.   Vroni. G'wiss nit. Wollt selber, ich wär nit so dumm g'wes'n und von dir fort, ich seh, was ich jetzt davon hab. - Sag, Ahnl, was is denn aus 'm Brudern word'n? Hast nix von ihm g'hört?   Lies. Ja, ja, den hab'n s' mir auch weggenommen. Ob ich von ihm g'hört hab? Ah freili, mehr als mir lieb is, aus 'm gottlosen Haus da hab'n s' ihn weg, das hat der Meineidbauer a noch auf'm G'wissen. Freilich, er is ja aus der frumm Schul' kämma, tauget ja nit her da. War der beste im Katechismus, hat alle Sünden