Gretl. Du bist a Hauptchrist!   (Alle lachen.)   Vroni (tritt mit einem Bündel auf).   Muckerl. Hehehe! - Da kommt d' Vroni!   Mirzl. Und a Binkerl tragt s' a!   Waberl. Gehst 'leicht von da? Z'weg'n was denn?   Annerl. Is eppa richtig mit 'n Toni und der Crescenz vom Kreuzweghof?   Burgei. Heirat' er s' und lasst er dich sitzen, der grausliche Ding?   (Alle lachen.)   Gretl. Schau, nimm 'n Muckerl, is a a feiner Bub'!   Muckerl. Jo, hehehe! Ich nehm dich schon - hehehe! Du taugerst mir schon lang - dös war eine - juhuhu!   (Alle lachen.)   Vroni (verbissen). Was ös aber lustig seid's, wann's ein'm traurig geht!   Burgei. Uije! Stamm dich doch auf! 's kimmt dir sonst 's Flenna, bist ja sunst so stark!   Vroni. Flennet' ich, g'schahet's nit, weil mir weh is, sondern aus Zorn!   Mirzl. Jegerl, du Zornbinkl! - Beleidig dich nur nit! Wir sind allz'samm allweil gute Kameradinnen zu dir g'wes'n, wir müssen dir schon zum Abschied a paar Almer singen, dass dir 's Herzerl aufgeht. Mei' Schatz is viel sauber, no säub'rer bin i, und er heirat' auch z'nachst, doch a andre als mi! Chor (Lach-Jodler, den Muckerl mit typischem Gelächter übertönt). Höhöhöhö!   Burgei. Mir is jetzt mein Binkerl so schwer wie mein Herz, und ich steh enk jetzt da grad wie's Mandl beim Sterz! (Wie oben.)